 انا عصيت ربنا امبارح...بس مبسوط جدا...انى عصيته |
هذه الرسالة تفيد بأنك غير مشترك. للاشتراك الرجاء اضغط هنــا
قوانين شخابيط
قبل كتابة فى هذا القسم يجب اتباع القوانين
1- يجب التاكد من الموضوع قبل نزولة لعدم التكرر ويتم حذفة
2- لا تضع لالينك اغينةلمواقع خارجية
3.يفضل رفع الصور على الموقع الرسمى uploadmisr.com
4- استخدام مواقع للرفع يفضل shareonall.com-asapload.com
5- عند تكرار الموضوع سيتم مسح الموضوع الجديد
6-لو عايز تبقى مشرف ومش عارف شرح كتابه موضوع او اضافه رد او طريقه الرفع ادخل على قسم شرح شخابيط
بالنسبة للمشرفين
ممنوع تثبيت الاغانى الا بعد عدد مشاكارت ويلغى التثبيت بعد 50مشاركة
7- عدم وضع اغانى منمواقع اخرى او لالينك لموقع اخر كانوع من الاعلانات سيتم وقف العضو دون انذارة
8-يجب وضع لينك اسم الموقع فى اى لينك مرفوع
9- الاعضاء ليس لهم تصريح فى الكتابة فى هذا الاقسام لو شايف فى نفسك تقدر تشتغل فى القسم دة كلم الادارة
10-عند اضافة اى موضوع من العضو لا يظهر الا بمواقفة الادارة
11-لو عايز اغنية ومش موجودة اكتب الاغنية فى طلبات الاعضاء
12- يجب رفع اى ملف او فيلم او اغنيه على اكثر من موقع على الاقل 5 مواقع
   |
 Nov 10 2009, 06:40 PM
مشاركة
#1
|
|
|
أنا النهاردة ياجماعة مبسوط جداااااااا
لأنى بصراحة النهاردة عصيت ربنا ومهمنيش !!! جاهرته بالمعصية ومفرقتش معايا !!!! طب وإيه يعنى ؟؟! المهم اتبسطت وقضيت وقت جميل وخلاص ايه دا ... إيه دا ....؟؟ مالكم كدا بتحتقرونى بينكم وبين نفسكم؟!! انتو كمان زييى أه زيى أو كنتم زيى وماتستغربوش أوى كدا وتقولوا لالالالالالالالا دا احنا بنحب ربنا واستحالة نحاربه لأ انتوا حاربتوه وبتحاربوه طيب عيشوا معايا شوية فى المواقف دى كدا ونشوف سوا هل إحنا بنحارب ربنا ولا لأ ؟؟؟؟؟؟ أنا مبسوط جداااا لأنى ..امبارح شفت حتة فيلم للممثـل اللى بحبه بس كان ايه تحفة كان نفسى أسمعه أوى من زمان وماصدقت انه اتعرض ----------------------------- أنامبسوط جدااااااا لأنى خرجت مع صاحبتى وقضينا وقت جميل أوى مع بعض واتفسحنا وعشنا لحظات جميلة أوى --------------------------------- أما أنا مبسوطة جداااا لأنى إمبارح اتعرفت على واحد من المنتدى بعت لى رسالة خاصة وبيطلب منى نتعرف وأنا ارتحت له أوى وارتحت فى الكلام معاه أصله بصراحة مواضيعه جميلة وأسلوبه رقيق أوى ------------------------- أنا مبسوط جداااا كنت فى شات روم واتعرفت على بنت ارتحت اوى فى الكلام معاها وكلمتها مايك بس صوتها جميل أوى وقعدنا نتكلم للصبح --------------------------------- أنا مبسووووووطة جدا امبارح سمعت ألبوم المطرب ..... الألبوم تحــفة وأغانيه جميلة أوى فعلا كنت هموت وأسمعه انتو عارفينى بأه مينفعش ينزله جديد وميكونش عندى ----------------------- أنا مبسوط حضرت حتة فرح بس كان إيه ...... ماأقولكمش ... ع البنات واتعرفت على واحدة كان كل الشباب بيحاولوا يوقعوها بس محدش قدر غيرى وع الأغانى ولا العروسة !! والرقص اللى اللى رقصناه ولا اللبس ولا ... ولا ...... ----------------------------------- مبسوطة أوى امبارح كان عيد ميلادى وحضروا لى حتة مفاجأة كانت حفلة جميلة أوى والدى جى واختيار الأغانى كان تحفة ورقصنا كلنا مع بعضينا ---------------------- فرحاااااااان لأننا كنا ف رحلة امبارح وحصل بأه شوية حاجات اتعرفنا على شلة بنات من هناك وأخدنا منهم أرقام التليفونات واتفقنا نتقابل تانى قريب --------------------- انا منمتش امبارح كنت بأتكلم فى التليفون مع زميلى فى الجامعة لحد الساعة 3 الفجر وبعديها فضلت لحد الصبح أفكر فى الكلام اللى حصل وبالرغم من كل الرعب اللى كنت فيه إن حد يصحى ويحس بيا بس كنت فى قمة السعادة ---------------- أما يوم عيد الحب حضرنا حتة حفلة مع البنات صحباتنا حفلة نستنا أسامينا وبعديها خرجنا معاهم كل واحد أخد صاحبته وإتفسحوا سوا واتمشينا مع بعضينا ------------------------ أنا إشتريت حتة طقم إنما إيه يابنات روووعة لو تشوفوا استايل البنطلون ولا لون البضى جنااان مشفتش حد لابس منهم من الآااااااااااااااااااااااخر مبسووووووووووط /ة جداااااا لأنى ............ ......... ....... عصيــــــت ربنا !!!!!!!!!! هاااا فكرتوا انكم ممكن تكونوا بتعملوا زيى أو على الأقل كنتم بتعملوا كدا يعنى مش لوحدى دا حالنا كلنا مش هو دا لسان حالنا ياجماعة لما بنعمل المعصية؟ مش دا حالنا فى المجاهرة بالمعصية ؟ يعنى الحمد لله ربنا سترنا ومفضحناش الحمد لله ربنا أحيانا ومقبضش روحنا واحنا بنعمل المعصية مش نسكت بأه ونستر نفسنا لاء دا احنا بنخرج وبنجاهر بالمعصية وبنتمنظر بيها كمان !! وبنقول لربنا أنا عصيتك وفرحان انى عصيتك وهأحكى لكل الناس إنى عصيتك ومش هيفرق معايا....... (والله قلبى بينخلع وأنا بأكتب الجزء دا ربنا يغفر لى ) قدرنا ياجماعة نقول كدا ؟؟ قدرنا نغضب ربنا بالطريقة دى؟؟ يااااااااا الله على جهلنا وعلى سوء معاملتنا مع ربنا وهو ستير لعيوبنا ولذنوبنا وإحنا والله لو ربنا حاسبنا كما يجب كنا هلكنا دلوقتى من جراير أعمالنا ياااااااه لما الواحد يفتكر أد ايه كان غافل وبعيد عن ربنا ولما يفتكر ذنوبه وازاى ربنا كتب له الحياة علشان يكفر عنها وتحسبونه هيناً وهو عند الله عظيم يعنى حاجات عمرنا ماتخيلنا انها تعمل كدا أو انها ممكن تكتب مجاهرة بالمعصية وعلى فكرة أنا مش مكبرة الموضوع ولا حاجة دى تذكرة بسيطة ليا اولا وليكم وأتمنى أكون قدرت أوصلكم قصدى علشان لو فيه حد فينا لسة بيجاهر بالمعصية يتنبه وياخد باله ولو كان حد فينا عمل كدا زمان وربنا هداه دلوقتى لكن ماتابش يتوب لأن الذنب لو ماتبناش منه ربنا هيحاسبنا عليه حتى لو كنا بطلنا نعمله وطبعا دى كلها مواقف من وحى الخيال لكنها وااااقعية جدااااااا بس حبيت أتكلم بصيغة المتكلم لأنها بتوصل أسرع وأفضل فى التعبير.. رب إجعل هذا العمل صالحا ولوجهك الكريم خالصا ولا تجعل لى منه حظا ولا للشيطان منه نصيبا وتقبله منى ياربنا قبولا حسنا اللهم آاااااامين --------------------  |
|
 |
 
|
|
Nov 10 2009, 07:14 PM
مشاركة
#2
|
|
|
ربنا يجازيك كل خير يارب ويهدينا
--------------------  |
|
|
|
|
|
Nov 11 2009, 05:26 PM
مشاركة
#3
|
|
|
جزاكم الله خيرا
|
|
|
|
|
|
Nov 19 2009, 05:58 PM
مشاركة
#4
|
|
|
عندك حق بس الموضوع ده مكانه مش هنا مكانه في القسم الاسلامي
ومشكوووووووووووووووووووور --------------------  SkHaBeT IS ThE KiNg Of SiTe WwW.ShKhAbEt.CoM. |
|
|
|
|
 Jan 12 2010, 11:59 PM
مشاركة
#5
|
|
|
ربنا يهدينا ويهديك انشاء الله معانا ويهدينا وشكرآ على الموضوع والموضوع ده بتحط فى كل مكان
|
|
|
|
|
|
Feb 14 2010, 09:48 AM
مشاركة
#6
|
|
|
جزاك الله خيرا على الموضوع الجمييل
-------------------- انت منورنا جدا فى احلى المنتديات ًWwW.Shkhabet.Com |
|
|
|
|
|
Feb 19 2010, 11:59 AM
مشاركة
#7
|
|
|
شكرا توبيك رائع
-------------------- عندى كلام كتير بس خلاص هسيبك وهمشى باقى سوال اخير برحتك جاوب او متجوبش عايزه اعرف لو انت مكانى كنت هتعمل ايه
ترضى وتقبل انك تعيش مجروح ليله تبقى مصدق انى بحبك كنت بموت فى هواك وانا مش حاسه بكل الشوق جواك عرفت ازاى غلين دموع العين على عنينا عرفت ازاى نموت لما تضيع امانينا |
|
|
|
|
|
1 عدد القراء الحاليين لهذا الموضوع (1 الزوار 0 المتخفين)
0 الأعضاء:
Powered By IP.Board
2.3.6 © 2010 IPS, Inc. تعريب وتطوير : فريق الآي بي العربي
Licensed to: www.shkhabet.com
|
نسخة خفيفة | الوقت الآن: 31st July 2010 - 02:46 AM
Skin Desenvolvido por Arab2srver.com |